عن ريحة مطر
ف الأرض شماها
عن شكل الشتاء
وبروده حساها
عن شكل الناس
تحت الشمسيه
وبتجرى تحتها
من المطر مستخبيه
ومحلات بتقفل
وناس بتروح بيوتها
فى الدفا يقعدوا
,ناس عايشه حياتها
وفرحة طفل بالقوس قزح
فرحان بالألوان
وماشى سعيد
وواحد بيدعى بخشوع أوى
أصل الفرج عنه مش بعيد
ومطره تنزل على وشك تفوقك
من حلم جمــــــيل حلمته
أصل لازم تفوق منه
عشان أغلى حاجه عند الانسان
<كرامته>
لما تحس انك بيتداس عليك
لازم تفـــوق
اغسل نفسك بمطر الشتاء
وإبعد عنك الهموم.
ممكن تلاقى اتنين ماشيين
واتنيين قاعدين
وناس مروحين
وناس هاديين
وأنت ماشى لوحدك مسكين ")
مش شرط وجودك لوحدك
يكون سبب تعاستك
كتير مرتبطين بس مش حاسيين .... </3
بعاد عن بعض ..ومش باينيين
إنك تكسب نفسك
بكنوز الدنيا ومافيها
وأكيد لربنا حكمه
وفوق عنده مخبيها..
أكيد ليها وقتها اللى تنزل فيه
زى المطره لما تنزل على الزرع وترويه
حب أكيد مستخبى هيخرج
ويغير معنى حياتنا
وشخص أكيد مستنى
يلاقى نصه التانى
والله أعلم ممكن
.تكون انت النص
أصل الدنيا دى نصيب
وأكيد فى حبيب
هتلاقيها نازله عليك بتمطر
بس ساعتها مش هتفوق
لأنك مش هتكون بتحلم
هيكون قدر ومكتوب ♥
الرئيسية 
